警告: 以下內容版權所有, 請勿轉載
 

黃貫中--三分鐘
 

三分鐘可以做o的乜?擦個牙、沖熟碗杯麵-(未包括食)、吸半口煙、由地下搭電梯到公司……又或者聽一首歌。入行至今,心中一直有個疑問:一首流行曲或音樂,三至五分鐘真的足夠嗎?又或者是否這就是界定流行音樂或古典或統稱另類音樂的標準嗎?

我已經無數次在公司會議上聽到-(太長了,太長了。或者:可否把結他solo縮短一點?又或者:前奏太長了,早o的入唱可以嗎?)可以,當然可以,(唔唱都可以)-心諗,真係可悲,我o地人真係忙成咁?當然好的音樂不在乎長短,但總不能太短吧!

音樂是人類精神靈魂的食糧,我要你三分鐘食完餐飯,幾好食都冇味啦!中國人古語話食得太快是命賤的,唔知聽音樂係咪一樣?我o地犯賤,鍾意將o的古仔講到好短,唔想諗咁多,唔想o徙時間!三分鐘真係連過海隧都唔夠時間。

對於我o黎講,音樂是講情趣,我們做音樂o既人,就好似一個廚師,眼看著客人一口便把我的精心炮製灌入肚堛熒P覺,實在不好受。須知道咀嚼纔會有味道,下下要一口吞,又唔俾我o地o的廚師做前菜,一o黎就要飽,重邊有情趣?對於一個一心想話做個好廚師o既人,真係好大打擊!就算對於作為一個食客o既人,好好地坐低食一餐總比去快餐店食好吧!好啦!唔講喇!我約人o係老「麥」!


Special Thanks: Dorami

 
警告: 以上內容版權所有, 請勿轉載
 


Copyright© 2000-2003 Beyond Music All rights reserved.