警告: 以下內容版權所有, 請勿轉載
 
心不由己----貫徹此中 (撰文: 黃貫中, 文字處理: beyondmusic.net)

人類的幻想能力是最偉大的天賦,動物應該都會有(因我見o的狗仔成日發夢吠, 手震腳震咁, 應該在追骨頭吧).

音樂無色無嗅, 但只要加上幻想力, 就可以遠無邊際, 當(甯P組曲)寫成時, 人類重未上月球, 甚至重未識飛, 但我們的幻想力已把我們推動到很遠很遠的外太空, 而我們所乘的飛船是音樂.從小就很懂得幻想, 其實每一個細路仔都是活在幻想中的, 而且能力很強, 我o地會當沙發是彈床, 當床是大海, 當自己是駕緊巴士, 飛碟, 當自己是超人, 老豆是怪獸, "當"這心態漸隨我們成長, 但係所唔同o既係, 我o地知道幻想係假o既, 畢竟我們是活在現實, 但又何妨間中讓自己的精神放下假, 就同我o地會有星期日, 甚麼假甚麼假一樣, 放假回來, 精神爽利地回到工作崗位, 人才會健康,才襟玩!

精神也一樣要放假, 長期和現實周旋, 會好累, 好沮喪, 所謂心疲竭, 是因為我o地已好耐無幻想過了.

所以我強烈反對人話人不切實際, 我敬佩所有還有幻想的人, 還有童真的人, 只要不讓自己沉淪在幻想堳K可以了. 所以幻想反而可令我們容易面對現實, 你幻想佢咁做係對你好, 你幻想你老闆係黐o左線, 你幻想個個女仔暗戀你, 你幻想你做電影中的女主角, 男主角, 你幻想你穿起那衣服會是最好看的, 你幻想你好有才華只是懷才不遇, 你幻想浴室係紅館, 你幻想....你一直幻想是真假又如何?更何況我們有時是心不由己.

懂得幻想, 也應尊重幻想, 有時會變成體諒, 甚至他只是一隻狗.


 
警告: 以上內容版權所有, 請勿轉載
 


Copyright© 2000-2002 Beyond Music All rights reserved.