警告: 以下內容版權所有, 請勿轉載
 

散band唔同命•家強富貴•世榮閉翳
《壹週刊》•2007-04-05•第891期


Band 壇 老 祖 Beyond ○ 五 年 舉 行 告 別 演 唱 會 後 , 無 論 事 業 感 情 際 遇 , 三 位 成 員 各 有 不 同 。 黃 貫 中 同 朱 茵 繼 續 穩 定 發 展 , 一 直 予 人 感 覺 唔 定 性 的 黃 家 強 , 極 速 拍 拖 、 結 婚 、 生 仔 , 還 乘 勢 出 碟 宣 傳 。 擅 投 資 在 物 業 買 賣 斬 獲 不 少 的 他 , 去 年 還 購 入 何 文 田 山 新 居 , 榮 升 千 萬 豪 宅 業 主 。

另 一 成 員 葉 世 榮 就 無 咁 好 彩 , 女 友 許 韻 珊 在 家 中 意 外 跣 倒 身 亡 後 , 凶 宅 去 年 蝕 過 百 萬 賣 出 。 近 年 在 內 地 搞 公 司 , 又 涉 嫌 被 友 人 起 飛 腳 呃 錢 , 無 陰 公 !

搬 千 萬 大 屋

Beyond 散 band 後 , 家 強 在 兩 年 間 追 掂 日 籍 老 婆 Makiko , 去 年 七 月 低 調 舉 行 婚 禮 , 上 月 誕 下 兒 子 , 話 咁 快 建 立 美 滿 家 庭 。

長 袖 善 舞 的 家 強 , 早 已 儲 下 大 筆 奶 粉 錢 。 自 從 家 駒 過 身 後 , 他 先 後 購 入 四 層 六 、 七 百 萬 的 中 價 樓 ( 見 附 表 ) 作 投 資 炒 賣 。 ○ 五 年 出 售 自 住 多 年 的 康 樂 園 獨 立 屋 , 淨 賺 三 百 七 十 萬 。 大 個 仔 娶 老 婆 , 家 強 唔 聲 唔 聲 , 去 年 九 月 以 近 千 二 萬 購 入 千 七 呎 何 文 田 山 豪 宅 。

今 年 初 家 強 與 大 肚 老 婆 唔 理 咁 多 , 搬 離 窩 打 老 道 舊 居 , 低 調 遷 入 新 居 。 雖 有 大 屋 手 , 但 日 前 出 席 活 動 時 , 他 仍 謙 稱 要 日 跑 六 場 賺 錢 養 仔 , 暢 談 湊 仔 苦 樂 。 「 個 仔 隔 三 、 四 個 鐘 餵 奶 同 換 片 , 老 婆 餵 奶 我 掃 風 , 晚 晚 無 得 。 」 他 又 響 應 曾 特 首 多 生 仔 的 呼 籲 : 「 我 想 BB 有 個 伴 , 貴 有 貴 養 , 平 有 平 養 , 我 呢 係 中 價 養 法 , 餵 人 奶 ! 」

數 上 身

家 強 幸 福 滿 瀉 , 相 比 多 年 前 意 外 失 去 未 婚 妻 的 葉 世 榮 , 運 氣 認 真 麻 麻 。 早 年 其 母 曾 涉 欠 債 , 被 大 耳 窿 在 「 二 樓 後 座 」 band 房 及 其 家 人 的 筲 箕 灣 寓 所 , 以 紅 油 寫 下 追 債 字 句 , 可 見 家 擔 不 輕 。 近 年 世 榮 在 北 京 成 立 經 理 人 公 司 , 簽 新 band 組 兄 弟 班 在 內 地 搵 食 。 據 知 , 去 年 他 在 友 人 Vincent 謝 寶 雄 拉 攏 下 , 與 香 港 紅 十 字 會 傾 談 合 作 搞 大 型 籌 募 經 費 活 動 , 結 果 又 變 成 自 己 數 上 身 。

「 個 Wiselink ( 公 關 公 司 ) Vincent 話 活 動 使 費 幾 百 萬 , 但 promise 會 出 面 搵 到 sponsor , 點 知 最 後 佢 ( Vincent ) 話 搵 唔 到 。 由 於 所 有 用 世 榮 公 司 名 同 人 傾 、 同 人 簽 , 世 榮 變 相 要 數 , 但 佢 份 人 要 面 又 腍 善 , 唔 覺 得 ( Vincent ) 有 問 題 。 」 知 情 者 說 。

凶 宅 脫 手

世 榮 接 受 本 刊 電 話 訪 問 時 , 承 認 正 與 紅 十 字 會 傾 談 合 作 計 劃 , 還 有 其 他 歌 手 參 與 , 會 有 探 訪 及 籌 款 音 樂 會 等 活 動 , 但 未 落 實 舉 行 日 子 。 至 於 中 間 人 Vincent , 世 榮 對 他 表 現 維 護 。

「 Vincent 係 我 識 好 多 年 朋 友 , 佢 好 幫 手 , 最 初 有 參 與 呢 件 事 , 但 後 來 搵 唔 到 sponsor 都 無 辦 法 ! 大 家 放 心 , 我 無 俾 人 呃 錢 , 我 個 角 色 都 係 sponsor , 搵 善 長 人 翁 。 」 本 刊 向 香 港 紅 十 字 會 公 關 部 查 詢 , 發 言 人 表 示 從 沒 委 託 Wiselink Group 任 何 人 跟 葉 世 榮 傾 談 任 何 合 作 。 截 稿 前 , 本 刊 亦 未 能 聯 絡 上 Vincent 。

同 band 唔 同 命 , 世 榮 同 樣 於 九 六 年 以 合 共 四 百 多 萬 , 在 筲 箕 灣 購 入 兩 個 單 位 , 予 家 人 、 女 友 及 自 己 居 住 。 ○ 二 年 女 友 不 幸 遇 上 意 外 , 頓 變 凶 宅 的 筲 箕 灣 廣 場 單 位 , 去 年 四 月 終 於 甩 手 , 蝕 過 百 萬 , 而 另 一 筲 箕 灣 單 位 同 樣 蝕 讓 離 場 !

人 人 有 樓

有 指 當 年 Beyond 成 員 在 家 駒 去 世 後 取 得 賠 償 , 三 人 先 花 百 萬 裝 修 「 二 樓 後 座 」 band 房 。 屬 親 屬 的 家 強 得 大 份 賠 償 , 之 後 分 散 投 資 買 中 價 樓 , 多 次 獲 利 , 現 仍 有 兩 單 位 收 租 。 世 榮 卻 在 樓 市 高 峰 期 買 細 價 樓 出 事 ; 享 受 型 的 阿 Paul 則 買 下 大 埔 林 村 丁 屋 地 , 起 單 幢 式 住 宅 居 住 至 今 。

     
   

 
警告: 以上內容版權所有, 請勿轉載
 

Copyright© 2000-2007 Beyond Music Group. All rights reserved.